• 一遍賊，百世賊。
「坐乎正，得人疼」、「天公疼憨人」

•一返一，二返二。
「藤條揭上手，無分親戚敆朋友」、「買賣算分，相請無論」、「扑返扑，疼返疼」

•人生親像大舞台，苦齣笑科攏公開。
「做人著認真，做事著頂真」、「乞食趕廟公」、「有一好，無兩好」、
「甘蔗好食無雙頭疼」

•是毋是，罵家己。
「家己看昧著耳仔」、「食米毋知米價」、「家己擔肥，毋知臭」、
「大目新娘找無灶」、「有閒講別人，無閒講家己」、「家己燒香，無講歹話」、
「看人擔擔，免出力 」

•無彼個尻川，毋好食彼個瀉藥。
「允仔重，昧曉除」、「三斤貓，咬四斤老鼠」、「乞食，擱飼貓」、
「乞食，下大願」、「和尚頭、掠虱母」、「食飯配菜脯，儉錢開查某」、
「家己睏桌腳，煩惱別人的厝漏」、「昧曉駛船，嫌溪彎」、
「家己無肉，怨人大尻川」、「貪食無補，漏屎極艱苦」、「食濟，哺昧爛」、
「未食五月節粽，破裘毋甘放」、「未娶某，毋可笑人的某賢走，未生子，
毋可笑人的子賢哮」、「趁嗎著趁，食嗎著食」、「趁錢有數，性命愛顧」

•無魚，蝦嗎好。
「無牛，使馬」、「凡事著留後步」

•無行昧出名。
「驚驚昧著等」、「食肥走瘦」、「食飽換枵」。

•棚頂做到流汗，棚腳嫌到流涎。
「坐的，毋知豎的艱苦」、「扑鼓的，力死歕鼓吹的」、
「歕鼓吹的，力(累)死扛轎的」、
「扛轎喊艱苦，坐轎嗎喊艱苦」

•家和萬事興。
「識人，較好識錢」、「無人緣，臭乞食臭」、「佮字，難(o2)寫」、
「人情留一線，日後好相看」

•禮數，當然。
「禮數，在人」、「草地親家，坐大位」、「天頂天公，地下母舅公」、
「隔壁親家，禮數原在」、「好歹在心內，喙脣皮相款待」

•食人一斤，嘛著還人四兩。
「憨入，無憨出」、「食果子，拜樹頭；食米飯，敬鋤頭」、
「食人一口，報人一斗」

•嫌戲無請，請戲無嫌。
「誠意食水甜」、「無棄嫌，菜脯根罔咬鹹」

•輸人毋輸陣，輸陣歹看面。
「眾人放尿攪沙，昧做堆」

•三人共五目，日後無長短腳話。
「媒人喙，糊累累」、「插花，插頭前」、「甘願得失頭前，毋可得失後壁」、
「允人，較慘欠人」、「紙頭無名，紙尾無字」

•未起正身，先起護龍。
「甘蔗隨目囓」、「豬頭毋顧，顧鴨母卵」、「牛鼻毋牽、欲牽牛耳」、
「未生子，先號名」、「未娶某，先娶妾」、「未先學行，先學飛；
未先種籽，先挽瓜」、「未想贏，先想輸」

•緊事，寬辦。
「老神在在」、「大隻雞慢啼」、「熟熟戲，跋落戲棚腳」、
「做鬼嗎搶昧著銀紙」、「緊事三分輸」、「食緊摃破碗」、
「食飯皇帝大」、「青狂豬仔，食無潘」、「青狂狗，食無屎」、
「緊紡無好紗，緊嫁無好大家」

•人情世事陪駕夠，無鼎佮(敆)無灶。
「好事無相請，歹事才相尋」、「刈豬公無相請，嫁查某子貺大餅」

•歡歡喜喜一工，煩煩惱惱嗎一工。
「花無百日紅，人無千日好」、「求平安，較好添福壽」、
「一日平安，一日福」、「一日無事，小神仙」、
「一日空空，二四點」、「一日走拋拋，一暝點燈蠟」

•過時，賣曆日。
「新娘轎扛到，才想欲縛腳」、
「人來才掃地，人去才泡茶」、「食老，才想欲學歕吹」、
「慢牛食濁水」、「慢牛厚屎尿」、「慢鈍，搶無份」、
「慢來，罰三杯」、「在生無人認，死後歸大陣」、
「在生食一粒土豆，較好死了拜一個豬頭」、「父老子幼」。

•慣習，成自然。
「雜唸大家，出蠻皮新婦」、「輒罵昧聽，輒扑昧痛」、
「愈扑皮愈厚」、「寵豬揭灶，寵子不孝」

•做一行，怨一行。
「一人煩惱一樣，無人煩惱相親像」、「做人著磨，做牛著拖」、
「在職怨職，無職思職」、「做天，嘛昧中眾人意」、
「一年換二十四個頭家」、「十做，九不成」、
「做著歹田望後冬，娶著歹某一世人」、「頭家量，辛勞福

•校長兼摃鐘。
「教豬教狗，不如家己走」、「靠山山會崩，靠水水會焦」、
「家己栽一欉，較贏看別人」、「看田面，毋可看人面」、
「用別人的本錢，做生理」、「用別人的拳頭母，掙石獅」、
「用別人的尻川，做面底皮」、「用伊的土，糊伊的壁」

•相分食有偆，相搶食無份。
「相扑雞，頭無冠」

•頂司管下司，鋤頭管畚箕。
「欲做頂司狗，毋做下司官」、「毋驚官，只驚管」、
「做草笠毋驚日曝，做鱟瓠毋驚湯燙」、
「頂司支持下司，鋤頭支持畚箕。」

•看命無褒，食水都無。
「看田面，毋可看人面」、「美醜無地比，佮意較慘死」、
「中主人意，便是好工夫」、「枵鬼假細膩，相真夾大塊」、
「細膩食無」

•俗物，無好貨。
「一分錢，一分貨」

•了錢生理無人做，刈頭生理有人做。
「錢了，人無代」、「世間，錢做人」、
「食飯食阿爹，趁錢積私額」、「肖狗爭墓坑」、
「有錢，使鬼會挨磨」、「有錢判生，無錢判死」、
「有錢講話會大聲，無錢講話人毋聽」、
「一分錢，扑二十四結」、「無錢講無話」、
「無錢人上驚」、「趁小錢，靠扑拚；趁大錢，愛命運」、
「食，食人歡喜酒；趁，趁人甘願錢」、「錢無腳，會行路」

•西瓜偎大平。
「散赤人，無好額親戚」、「船過水無痕」

•濟牛踏無糞，濟某無地睏。
「十喙九尻川」、「人濟話著濟」、「食少有滋味，食濟無趣味」、
「相推，使死牛」

•燒磁食缺，織蓆睏椅。
「裁縫師傅穿破衫，做木匠的無眠床」、「家己做醫生，尻川爛一平」、
「好額人，乞食命」

•三日無餾，爬上樹。
「一日討海，三日曝網」、「食冇三日清齋，就想欲上西天」、
「一遍生，二遍熟」、「會跋，才會大」、「扑斷手骨，顛倒勇」、
「有食藥，有行氣；有燒香，有保庇」、
「有心扑石，石會萎；無心做穡，半路廢。」
「濛濛仔雨落久，土嘛會湛」。

•竄驚竄遇著。
「昧曉剃頭，擱遇著鬍鬚的」、「屎緊，褲頭擱扑死結」、
「無米，兼閏月」、「會曉扑算，較贏得走縱」、
「張弛(注意)，無偶蝕本」、「粒仔堅糒(phi2)，昧記得痛」

•生食都無夠，那有可曝乾。
「現食，現好」、「食飯，扒無清氣，會嫁貓翁」、
「昧使和飯碗賭氣」、「山雞想水鴨」、「乞食望仙女」、
「好天嘛著積雨來糧」、「一個人，愛積三年的病本」、
「看有食冇乾焦癮，親像佛祖蒸油煙」

•一時風，一時船。
「一步棋，一步著」、「這溪無魚，別溪釣」、「橫柴入灶」、
「白白布，染到黑」

•勤食、儉做、搰力睏。
「貧彈兼攬爛」、「貧彈，吞涎」、「閒慢兼偷食」、
「食飯扶碗公，做功課閃西方」、「乞食神，孝男面；
早睏，暗精神」

•有功無賞，扑破著賠。
「加多，多衰」、「有功，扑無勞」、「好的掠來縛，歹的放伊去」、
「軟土深掘」

•一兼二顧，摸蛤(蜊)仔兼洗褲。
「一面抹壁，雙面光」

•一牽成，二好運、三才情。
「一錢、二緣、三水、四少年、五好嘴、六敢跪、七皮、八棉爛、、九強、十敢死」

•三分水，七分妝。
「人愛人皮，樹愛樹皮」、「人重妝，佛重扛」、「有妝，有差」、
「愛水，毋驚流鼻水」、「水歹在肢骨，不在梳妝三四齣」、
「膨風水蛙，割無肉」

•免錢熏，大喙吞。
「別人的錢，開昧痛」、「別人的子，死昧了」、「食米毋知米價」、
「僥倖錢，失德了」

•飼老鼠，咬布袋。
「飼狗，吠主人」、「內神通外鬼」、「食碗內，洗碗外」、
「毋驚虎有三個喙，只驚人有兩款心」

•時到時擔當，無米煮蕃薯湯。
「水到船就浮」、「走一步，算一步」、「相斟酌，去倒害」、
「頭過，身著過」、「毋倘掛無事牌」、「細孔毋補，大孔叫苦」

•魚食流水，人食喙水。
「好嘛一句，歹嘛一句」、「大舌擱興啼」、「一句話，三尖六角」、
「心歹無人知，喙歹上厲害」、「一句來，一句去」、「喙是無底深坑」、
「一喙掛雙舌」、「講會得出，收昧得入」、「一身死了了，只偆一支嘴」、
「好喙昧蝕本」、「好歹在心內，喙脣皮相款待」、「一支喙，親像破雞筅」

•上山觀山勢，入門看人意。
「關門著閂，講話著看」、「一鄉，一俗」、「一人看出一家，新婦看出大家」
「看子知老爸」、「中主人意，便是好工夫」、「犯官欺，不倘犯眾議」、
「你看我浮浮，我看你霧霧」

•有樣看樣，無樣家己想。
「少年昧曉想，食老毋成樣」

•欠錢，走主顧。
「雙頭無一賢」、「無賒不成店，賒了店不成」、「欠債，怨債主」、
「借錢一樣面，討錢一面面」、「人驚老，錢驚討」、
「豎著放債，跪著討債」、「食肉滑溜溜，討債面憂憂」、
「一千賒，不如八百現」

•近廟欺神。
「本地香昧芳」、「近山剉無柴，近溪擔無水」、「本地媽祖，興外庄」、
「卜食好魚，著近水墘」、「近水惜水」